Det nærmar seg, det gjer virkelig det. At vi skal ta ferie. Undertegna tok siste eksamen i går og feira det faktum at det er studieferie på Hydranten med det nye samarbeidsprosjektet vårt; Hamar Bluesklubb. Det var ein trivelig aften med Ottestad Stasjon, god stemning og ein nydeleg avslutning av kvelden for oss som jobba.
Så no er det innspurta. Og den skal jo ikkje vere noko dårligare den! I kveld brakar det laus for alvor. Vi tek fram storskjermen, og viser finalen i Melodi Grand Prix fra kl. 21.00. Det er jo og dagåpent, og TV-en står nok oppe fra seinast kl. 20. Vi organiserar og mulighet til å stemme, og så kårar vi ein Hydranten-vinnar i løpet av kvelden. Alt er som vanlig gratis.
Tysdag førstkommande er det cocktailaften, der vi håpar du har lyst å pynte deg opp litt og vere stilig for ein kveld. Vi sørger for passande drikkeutval i baren. :) Så smeller vi avgårde avslutningshelga for sommaren med vårens siste jam på torsdag, quiz & konsert med Haugerom og Dizzing Sizzies fredag og sommarfest-tema på lørdag. Og det beste er: Alt er gratis!
Deretter tek vi som styrer og steller for Hydranten litt ferie, med unntak av at vi åpnar dørene for Hamar Music Festival 24. og 25. juni med Jack in a box og Dunderbeist på plakaten. Kanskje puslar vi på litt og malar litt og styrer litt i sommar, sidan sommaren har ein tendens til å bli litt lang for oss. Fadderuka blir det første store i høst, og den smeller i gang for alvor mandag 16. august.
Fantastisk liv og innlevelse under stemmegivingen. Kjempegøy :D
ReplyDelete